Haal e dil…

Haal e dil...

haal e dil haal e dil haal e dil…..
koi sunana chahta hai, koi chupana chahta hai

koi badalna chahta hai, koi bicharna chahta hai
koi silay hoey is dil ko udharna chahta hai

koi bhulana chahta hai, koi gumana chahta hai
koi basi hoyee yaadein is main jalana chahta hai

koi hasana chahta hai, koi rulana chahta hai
koi dukhon ka guldan is main sajana chahta hai

koi aana chahta hai, koi jana chahta hai
koi apnay liye nayee duniya basana chahta hai

koi dabona chahta hai, koi urana chahta hai
koi hamesha ke liye isko tala lagana chahta hai

koi kuch lakeeron se isay daagdaar banana chahta hai
haal e dil haal e dil haal e dil…..

Zindagi….

aik din jab saweray saweray…..neend ki aagosh aur khawabon ke mahal se nikal ker is duniya main sajay suraj main jab usne aankh kholi to dekha ke waqt ke kaante bhaag rahay hain aur zehen main kuch khayalat ne aahista aahista basera kiya to usne bhi apna din shoro kiya…….

socha ke aaj aik nayee zindagi main aik naya panna likhay ga…

lakin hoa kiya…..wohi shor-o-ghul….wohi din bher ke kaam…..wohi fiker waqt ke aagay nikalnay ki yan waqt ko peechay chorney ki….

insan mukhtalif roop dharay….kabhi doost ki surat main kabhi ik ajnabi ban ker….kab khoon ke rishton main kabhi ik aarzoo ban ker…..aas paas mandalaty rahay….

wohi jani pehchani jagah…wohi phool poday darakht ghoortey hoey…..

aaakhir din ke is thaka dene walay aur insan ke apnay bhula dene walay roop main gum sum usne socha….

ke kiya yeh hai zindagi….uski zindagi jo woh jiye ja raha hai….

kiya yehi woh naya panna hai jis ko woh roz isi tarah se likhta hai….

kiya yehi uskey liye nayee zindagi hai jo woh baar baar …her baar jeeeta hai….

yeh soch ker chor chala woh saray kaam…..
talash main ik nayee zindagi ke…ke shayad uski zindagi ka ik panna woh kuch aur tarah se bher sakay….

woh nikla bazaron main magar nazar kiya aya usay….shor hi shor…tamashay her tarah ke siwaey sakoon ke….aazadi ke…zingadi ki daur main insan ne jeena chor diya….

woh nikla to dekha kiya hai her taraf bheer hi bheer kuch anjan logon ki….jo dikhnay main insan jaisay thy magar kiya insaan aesa bhi ho sakta hai….

jahan gaya insan ke ho bahoo insan dekha magar ander se khali insan paya…

jo gum hai, magan hai kisi aur duniya main…kisi aur nagar main….

magar phir yaad aya ke yeh to wohi duniya hai jis ka ik hissa woh khud hai….

woh nikla hai to sahi magar uski talash bhooki hai…. bhatak bhatak yahan wahan woh puncha aik jagah jahan dekha usne keh soraj dhalnay wala hai….

hoa na kuch haasil siwaey waqt khonay ke…..gum inhi sochon main tha thaka hara ke koshish ki bhi hai aur phal mila nahi….bas leta woh zameen per….aur kiya dekhta hai…

aasman….

isi pal aankh uski khuli ki khuli hi reh gayee…..aur poocha apnay aap se ke kabhi dekha hai aesa nazzara…
kiya hai mehsoos kabhi is thandi ghass ko…..kiya hai ghor kabhi ur urtay parinday per…..kabhi badal ki aankhon se aankehin milein hain….
kabhi dhaltay hoey suraj ko alvida kaha hai kya…..kabhi tanhayee main apnay aap ko jhinjora hai kya…..

inhi sochon main tha magan….yeh kiya hai zindagi….uski apni zindagi….
aaj pehli baar apnay baaray main kuch soch raha tha woh….

ke ik panna to kuch naya likhay ga aaj woh bhi…..ke usko mil gayee hai ik lamhay ke liye ik nayee “Zindagi”….

Painless…

Painless..

Thoughts….

A sea of emotions…
colors…
people…
fantasies…
dreams…
memories…
and so many things…
sometimes it’s difficult to search a wave…a drop…

influence of one can put others in the deepest valleys of darkness…